Shirkaan wada tashiga ah ee looga hadlayo sidii bulshadda loogu wacyigalin lahaa ilaalinta sharciga xaquuqda carruurta Soomaaliyed iyo tayeynta hay’adadaha cadalaadda dalka ayaa manta ka furmay magaladda muqdisho.
Shirka oo ay soo qaban qaabisay Wasaaradda Cadaladda ee Xukumadda Soomaaliya oo kaashanaysa Hay’dda UNICEF ayaa loo qabtay mas’uuliyiin ka socday maxkamadaha dalka ciidanka booliska, ciidanka Asluubta, Nabad sugidda iyo ururadda bulshadda rayidka , waxaana lagu wadaa in uu socdo shirkaani mudo 4 cisho ah oo looga hadlo xaquuqda carruurta ay leeyihiin iyo sidii loo ilaalin lahaa.
Xoghayaha Joogtadda ah ee Wasaaradda Cadaaladda Soomaaliya Dr Ismaciil Jimcaalle Calasow oo shirka furay ayaa sheegay in shirkaan uu yahay mid wada tashi ah, isla markaana looga bahanyahay in ay ka faa’iidaystaan ka qayb galayaasha, si looga hortago tacadiyada ka dhanka ha carruurta Soomaaliyeed.
Sharciga caalamiga ah ee ilaalinta xaquuqda caruurta ayaa Soomaaliya waxa ay saxiixday bishii Janaayo ee sanadkaan 2015ka , waana mid muhiim u ah daryeelka carruuurta Soomaaliyeed.
