Kulan looga arrinsanayo isku xirka Laamaha kala duwan ee hay’adda socdaalka iyo Jinsiyadaha Soomaaliya ayaa Maanta ka furmay Magaalada Muqdisho.
Shir weynahan ayaa ah mid lagu gorfeynayo wixii ka hirgalay qorshihii la dejiyay Saddexdii Bil ee lasoo dhaafay iyo hiigsiga Sagaashanka Cisho ee soo socta.
Taliyaha Ciidanka Booliska Somaaliyeed, Cabdi Xasan Xijaar oo shirka furay ayaa kula dardaamay mas’uuliyiinti ka qeybgashay in ay wada shaqayn ballaaran ka dhaxeyso haya’dda socadaalka iyo Ciidanka Booliska Soomaliyeed , si looga hortago dhibaatada ay geystaan Dadka diiddan horumarka Ummadda Soomaliyeed.
Taliyaha hay,adda Socdaalka iyo Jinsiyadda Somaaliya, Maxamed Aadan Jimcaale Koofi, ayaa sheegay in ay u qabsoomeen howlahii ay dejiyeen intooda badan, Saddaxdii Bil ee la soo dhaafay isaga oo rajo wanaagsan ka muujiyay in ay sameyn doonaan waxqabad ka ballaaran midka hadda lagu tallaabsaday.
Gudoomiye ku xigeenka dhinaca amniga Gobolka Banaadir , Maxamed Cabdullaahi Maxamed Tuulax , ayaa sheegay in ay yaraadeen caqabado badan oo ka jiray sameynta warqadaha dhalashada.
Shirweynaha looga hadlayo isku xirka laamaha hay’adda socdaalka Soomaaliya ayaa ah mid Saddexdii Bilba mar lagu qabto mid ka mid ah Gobollada Dalka, si loo helo isla xisaabtan guud oo ku saleysan shaqada hay,adda.
