Shirka Madasha Xiriirinta Arrimaha Bini’aadannimo ee Galmudug oo ay soo Agaasintay Wasaaradda Gargaarka iyo ka hortaga Masiibooyinka Galmudug, isla markaana ah shir saxdii biloodba mar la qabto, ayaa maanta ka furmay magaalada Galkacyo
Shirkaan oo uu shir guddoominayay Agaasimaha Guud ee Wasaaradda Gargaarka Galmudug Maxamed Cabdullaahi Cali, ayaa waxaa kasoo qeyb galay Saraakiil ka socatay Hay’addaha Qaramada Midoobay,Mas’uuliyiin ka tirsan Gobalka Mudug iyo kan dagmada Gaalkacyo Iyo howlwadeeno ka socday Wasaaradaha kala duwan ee Galmudug.
Shirkaan ayaa laga soo jeediyay Warbixino ku aadan Xaaladaha ka jira Galmudug iyo waxyaabihii ka qabsoomay, qodabadii looga hadlay Shirkaan kii ka horeeyay iyo caqabadaha soo kordhay ee u baahan in loo jiheeysto wax ka qabashadooda iyo qorshayaasha la doonayo in laga fuliyo Gobalka Mudug.
Agaasimaha Guud ee Wasaarada Gargaarka Iyo Maareeynta Masiibooyinka Galmudug Maxamed Cabdullaahi Cali oo ay wax ka weydiisay Warbaahinta Qaranka, ayaa ka warbixiyay shirka iyo Ajandaha looga arinsanayo inta uu socdo.
” Ujeedka shirkaan waa inaan la eego,Wixii qabsoomay seddexdii bil ee lasoo dhaafay,iyo waxyaabaha u baahan in la qabto hadda, Waxyaabaha soo kordhay ee u baahan in laga shaqeeyo”.
