Waxaa maanta lagu wadaa in si rasmi ah uu uga furmo magaalada Laascaanood ee xarunta gobolka Sool, shirweynaha dhammeystirka maamulka SSC Khaatumo, kaas oo maalmihii ugu dambeeyay ay socotay dardargelintiisa.
Magaalada Laascaanood waxaa ku sugan guddiga qaban-qaabada dhismaha maamulkan cusub ee SSC-Khaatumo, ee ay dowladda Federaalku horay u magacawday, wasiirro heer Federaal ah oo ay ka mid yihiin, wasiirka Arrimaha Gudaha Federaalka iyo kan Ganacsiga, xildhibaanno ka tirsan Baarlamaanka Federaalka Soomaaliya labadiisa aqal iyo mas’uuliyiin kale.
Waxaa goobta shirweynuhu uu ka dhacayo illaa saaka ku qulqulaya ergooyinka kala duwan iyo odayaasha dhaqanka, ee qaybta ka ah dhammeystirka maamulka cusub ee SSC-Khaatumo.
