Shirka ansixinta habraacyada isku xirka iyo isku dubaridka Dhaqaalaha Buluugga, (Interministerial Coordination and Resource Mobilization Meeting on Blue Economy), oo ay soo qaban qaabisay Wasaaradda Kalluumeysiga iyo Dhaqaalaha Buluugga ee Soomaaliya, ayaa ka furmay magaalada Muqdisho.
Shirkaan ayaa diiradda saaraya Ansixinta habraacyada lagu xoojinayo isku-xirka iyo maareynta Dhaqaalaha Buluugga, Dib u eegista iyo ansixinta warbixinta Dhaqaalaha Buluugga ee Soomaaliya iyo Horumarinta Istaraatiijiyadaha isku-dubaridka kheyraadka si loo taageero fulinta Istaraatiijiyadda Dhaqaalaha Buluugga ee Qaranka.
Agaasimaha Waaxda Dhaqaalaha Buluugga ee Wasaaradda Marwo Ra’isa Mohamed ayaa furitaanka shirkaan ka sheegtayWasaaraddu ddu ay mudnaan gaar ah siineyso hirgalinta habraacyo dhammeystiran, kuwaas oo si wada jir ah loogu maareyn karo Qorsheyaasha hortabinta u leh dhaqaalaha Buluugga ee dalka.
Wasiirada wasaaradaha ku bahoobay dhaqaalaha Buluugga ayaa si rasmi ah u meelmarin doona habraacyada lagu soo bandhigay, habraacyadaan ayaa la jaanqaadaya Istiraatiijiyadda Qaran ee Dhaqalaha Buluugga iyo Sharciga Maareynta iyo Horumarinta Kalluumeysiga Qaranka.
