Agaasimaha guud ee wasaaradda qorsheynta xukumadda federaalka Soomaaliya mudane Cabdulqaadir Maxamed Aadan ayaa maanta daah-furay shirka dib u eegista mashruuca fulinta Biyoole ee xarunta wasaaradda qorsheynta xukumadda federaalka Soomaaliya.
Shirkaan oo u jeedkiisa ahaa in dib u eegis lagu sameeyo waxyaabahii u qabsoomay lixdii billood ee u danbeysay mashruuca Biyoole ayaa waxaa kasoo qeyb-galay iskuduwa-yaasha dowlad federaalka , kuwa dowlad goboleedyada xubnaha ka ah dowladda dhexe iyo madaxda mashruuca ee Bankiga aduunka.
Kullankaan ayaa socon-doono muddo labo maalin ah waxaa la filayaa iney kasoo baxaan qodobo wax ku ool ah oo lagu hormarinayo mashruuca Biyoole ee sanadka 2021.
Wasaaradda qorsheynta dowladda federaalka Soomaaliya ayaa dadaal xooggan ugu jirto sidii hormar la taaban karo uga gaari leheed mashruuca Biyoole.
