Shirka Golaha Wasiirrada Xukuumadda Federaalka Soomaaliya oo todobaadkan ku qabsoomay aaladda Zoomka ayaa looga hadlay xaaladihii ugu danbeeyey ee saameynta xanuunka COVID-19, laguna ansixiyay Hindise sharciyeedka Caddaaladda da’yarta Soomaaliyeed iyo Istaraatiijiyadda Qaran ee Xalka Waara.
Shirka Golaha Wasiirada oo guddoominayay Ra’iisul Wasaare ku-xigeenka dalka Mudane Mahdi Maxamed Guuleed (Khadar) ayaa warbixinno la xiriira amniga iyo howlgallada socda looga dhageystay Wasiirrada Amniga iyo Gaashaandhigga.
Wasaaradda Caafimaadka ayaa Golaha u soo gudbisay xaaladihii u danbeeyey ee laba kacleynta Caabuqa COVID-19 oo dad tiro badan soo ritay maalmihii u dambeeyey.
