Saturday, October 18, 2025
  • Nagu Saabsan
  • Nala Soo Xiriir
Radio Muqdisho
  • Bogga Hore
  • Wararka
  • English News
  • Barnaamijyada
  • Shaqooyinka
  • Nala Soo Xiriir
  • Login
No Result
View All Result
Radio Muqdisho
Home Wararka

Shirka Golaha Wasiirada oo looga hadlay arrimaha amniga, hindise sharciyeedyada, waxqabadka wasaaradaa Gargaarka iyo arrimo kale

admin by admin
8 years ago
in Wararka
0
Shirka Golaha Wasiirada oo looga hadlay arrimaha amniga, hindise sharciyeedyada, waxqabadka wasaaradaa Gargaarka iyo arrimo kale
0
SHARES
Share on FacebookShare on TwitterShare on WhatsAppShare on TelegramShare on LinkedIn

Muqdisho, 20 July 2017 – Golaha Wasiirada ee Xukuumadda Federaalka Soomaaliya ayaa maanta yeeshay kulankoodii caadiga ahaa oo uu shir-guddoominayey Ra’iisal Wasaaraha Xukuumada Mudane Xasan Cali Kheyre. Arrimaha kulanka looga hadlay ayaa waxaa ka mid ahaa Amniga, hindise sharciyeedyada, waxqabadka wasaaradda Gargaarka iyo arrimo kale.

Ra’iisul Wasaaraha ayaa Wasiirada Amniga, Difaaca iyo Taliyeyaasha Booliiska iyo Nabad-Sugida ka codsaday inay warbixin ka siiyaan golaha xaalada amniga. Howlgallada xasilinta amniga iyo howlgalka militariga ayaa si wanaagsan u socda dalka. Deegaanka Kuunyo-Barrow ee Jubbaland ayaa12kii ilaa iyo 15kii July lagu dilay ilaa 90 maleeshiyaadka argagaxisda ah. Warbixino faahfaahsan ka dib Golaha Wasiiradu waxey u mahadceliyeen hay’adaha amniga kuna dhiirigeliyeen inay sii laba-laabaan horumarka ballaaran ee xasilinta amniga, waxeyna si gaar ah ugu mahadceliyeen shacabka Soomaaliyeed doorkooda xasilinta dalka oo muhiim u ahaa horumarka ballaaran ee laga sameeyey dhanka amniga.

Related posts

Ra’iisul Wasaaraha XFS oo maanta magacaabay agaasimeyaal guud

Ra’iisul Wasaaraha XFS oo maanta magacaabay agaasimeyaal guud

October 18, 2025
Soomaaliya iyo Turkiga oo ka wada hadlay heshiis is-waydaarsiga ganacsiga labada dal

Soomaaliya iyo Turkiga oo ka wada hadlay heshiis is-waydaarsiga ganacsiga labada dal

October 18, 2025

Golaha Wasiiradu waxey u mahadceliyeen Maamulka iyo shacabka Jubbaland sidii hagar-la’aanta aheyd oo ay u soo dhoweeyeen kulankii usbuucii hore ee ka dhacay Kismaayo.

Golahu waxey warbixin ka dhageysteen guddi heer wasiiro ah oo loo saaray hindise sharciyeedka Jinsiyadaha, dood dheer ka dibna waxaa la isla gartay muhiimada sharcigan uu u leeyahay dalka gaar ahaan doorashooyinka. Sharcigan ayaa dhowraya xaquuqda muwaadinka, midnimada, wadajirka iyo ka hortaga faquuqa. Waxaana laga codsaday wasiirada inay waxii talo iyo fikir ah soo gudbiyaan sida ugu dhaqsiyada badan.

Ra’iisul Wasaaraha ayaa hoosta ka xariiqay muhiimada soo dhameystirka hindise-sharciyeedyada muhiimka u ah dawlad wanaagga, iyadoo laga duulayo khudbadii Madaxweynaha, Ra’iisul Wasaarahu waxuu faray dhammaan wasiirada inay sida ugu dhaqsiyada badan u soo gudbiyaan hindise-sharciyeedyada si loogu gudbiyo baarlamaanka.

Wasiirka Gargaarka & Maareynta Masiibooyinka ayaa ka warbixisey safar shaqo oo ay ku tagtey Roma iyo Geneva oo ay sheegtay in labada shirba ay muhiim u ahaayeen dalka Soomaaliya. Wasaarada Gargaarka ayaa waday wadatashi lagu diyaarinayey siyaasadda gargaarka oo si fiican u qabsoomay. Sidoo kale Wasaaradu waxey soo bandhigtay waxqabadkii wasaaradda oo iyadoo kaashaneysa hay’adaha gargaarka lagu guuleystay in la xakameeyo in dalka macluul ka dilaacdo iyo ka hortag laga sameeyey faafka cudurada dilaaga ah, welina waxaa la wadaa dadaal weyn.

Wasiirka Gaadiidka ayaa golaha wasiirada ku wargeliyey in qiimeyntii ay dawlada Kenya ka sameysey nidaamka garoonka diyaaradaha ee Aden Adde inay soo gudbiyeen in garoonka uu u dhamestiranyahay dhammaan shuruudihii airport caalami ah laga rabey. Sidoo kale Hay’ada Duulista iyo Saadaasha Hawada ayaa ku guuleysatay in qalabkii lagu hagayey diyaaradaha la keenay oo lagu rakibey xarunta hay’ada ay ku leedahay garoonka diyaaaradaha ee Aden Adde.

DHAMMAAD

Previous Post

R/wasaare Kheyrre oo kormeeray howlaha dekedda Muqdisho

Next Post

Dood cilmiyeed ku saabsan doorka dhalinyarada oo ka dhacay Degmada Dharkeynley “SAWIRRO”

Next Post
Dood cilmiyeed ku saabsan doorka dhalinyarada oo ka dhacay Degmada Dharkeynley “SAWIRRO”

Dood cilmiyeed ku saabsan doorka dhalinyarada oo ka dhacay Degmada Dharkeynley "SAWIRRO"

Ra’iisul Wasaaraha XFS oo maanta magacaabay agaasimeyaal guud

Ra’iisul Wasaaraha XFS oo maanta magacaabay agaasimeyaal guud

October 18, 2025
0

RADIO MUQDISHO:-Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa magacaabay Maareeyaha Guud ee Arrimaha Maamulka iyo Amniga...

Soomaaliya iyo Turkiga oo ka wada hadlay heshiis is-waydaarsiga ganacsiga labada dal

Soomaaliya iyo Turkiga oo ka wada hadlay heshiis is-waydaarsiga ganacsiga labada dal

October 18, 2025
0

RADIO MUQDISHO(ISTANBUL):-Wasiirka Ganacsiga iyo Wershadaha XFS Mudane Maxamuud Axmed Aadan iyo Wasiirka Ganacsiga ee Turkiga oo ka wada hadlay xoojinta...

Wasiirka Gaashaandhigga XFS oo kulan la yeeshay dhiggiisa dalka Talyaaniga

Wasiirka Gaashaandhigga XFS oo kulan la yeeshay dhiggiisa dalka Talyaaniga

October 18, 2025
0

RADIO MUQDISHO(ROME):-Wasiirka Gaashaandhigga XFS, Mudane Axmed Macallin Fiqi, oo booqasho rasmi ah ku jooga Dalka Talyaaniga, ayaa magaalada Rome kula...

Hay’adda NIRA oo ku dhawaaqday muddada khidmad-dhaafka ee kaadhka aqoonsiga Qaranka

Hay’adda NIRA oo ku dhawaaqday muddada khidmad-dhaafka ee kaadhka aqoonsiga Qaranka

October 18, 2025
0

Hay'adda Is-diiwaangelinta Kaarka Aqoonsiga Qaranka Ee NIRA,ayaa shaacisay muddada kama dambeysta ah ee ay ku eg tahay, adeegga khidmad-dhaafka ah...

LIVE STREAM

KUBIIR ASXAABTEENNA

DHAGAYSO WARKA

Warka Subaxnimo

Warka Duhurnimo

Warka Fiidnimo

Facebook Twitter Telegram Instagram Youtube

TAARIIKHDA RAADIYAHA

Radio Muqdisho waxaa la aas aasay 1951 sagaal sano ka hor xorriyadda dalka, laga soo bilaabo 1960 ilaa maanta waa Raadiyaha kaliya ee Dalku leeyahay, wuxuuna leeyahay keyd weyn oo ay ku jirto taariikhda wadanka.

LASOO DEG APP-KEENA

Categories

  • Bogga Hore
  • Wararka
  • English News
  • Barnaamijyada
  • Shaqooyinka
  • Nala Soo Xiriir

© 2022 Radio Muqdisho

No Result
View All Result
  • Bogga Hore
  • Wararka
  • English News
  • Barnaamijyada
  • Shaqooyinka
  • Nala Soo Xiriir

© 2022 Radio Muqdisho

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In