Wasiiru-dowlaha Wasaaradda Arrimah Gudaha, Federaalak iyo dib-u-heshiisiinta Galmudug Mudane Cumar Maxamed Diiriye iyo Wafdi Wasiiro iyo Xildhibaanno ah oo Gaalkacyo utagay Arrimaha Nabadda Galbeedka Gobolka Mudug ayaa shalay iyo maanta kulamo kala duwan laqaatay Odayaasha Dhaqanka Gobolka Mudug, Guddiga odayaasha Nabadda Degmada Gaalkacyo iyo Ururada Bulshada Rayidka ah ee Gobolka.
Wafdiga ayaa Odayaasha iyo Guddiga Nabadda kala hadlay Sidii xal waara looga gaari lahaa Nabad-na loogu soo dabaali laha Galbeedka Gobolka mudug, waxayna odayaashu soo dhaweeyeen Arrimaha Xal uhelida colaadahaas, waxayna Balan qaadeen in wafdiga Dowladda ka socda ay kala shaqayn-doonaan in Nabad iyo heshiis waara laga gaaro Arrimahaas.
Sidoo kale Wafdga ayaa kulan la qaatay Haweenka Nabadda Gobolka Mudug, waxayna ku booriyeen inay qaataan doorkoooda Nabadda si xal waara looga gaaro arrimaha colaadaha Galbeedka Gobolka Mudug.
Kulamada waxaa sidoo kale qayb ka ahaa maamulka Degmada Gaalkacyo iyo maamulka Gobolka Mudug.
