Xafiiska Ergeyga gaarka ah ee Madaxweynaha JFS u qaabilsan xasilinta iyo ilaalinta arrimaha rayidka ayaa magaalada Kismaayo ku qabtay shir muhiim ah oo u dhaxeeya maamulka iyo daneeyayaasha amniga.
Kulanka ayaa waxaa isugu yimid Taliyeyaasha Ciidanka Xoogga Dalka Soomaaliyeed ee ku sugan Jubaland, Taliyaha Ciidanka Daraawiishta, Saraakiil ka tirsan Hay’adda Sirdoonka iyo Nabadsugidda Jubbaland ee JISA.
Shirka ayaa diiradda lagu saaray xoojinta wada shaqaynta ka dhaxaysa ciidamada amniga iyo daneeyayaasha, si loo horumariyo dadaallada xasilinta iyo kor u qaadidda ilaalinta rayidka ee deegaannada cusub ee laga xoreeyey khawaariijta (NRAS), xaqiijinta nabad waarta, amniga, iyo horumarka gobolka.
Xafiiska Ergeyga gaarka ah ee Madaxweynaha JFS u qaabilsan xasilinta iyo ilaalinta arrimaha rayidka ayaa dedaal dheer ku bixinaya sidii guud ahaan dalka ay uga hirgali lahayd xasilooni waarta.
