Madaxweyne ku-xigeenka Dowlad Goboleedka Hirshabeelle mudane Yuusuf Axmed Hagar (Dabageed) ayaa shir-guddoomiyay shirweynaha maamullada, goballada iyo degmooyinka Hirshabeelle iyo isku-xirka dadaalada xasilinta.
Shirka oo galay maalintii 3-aad ayaa lagu gorfeeyay amniga, cadaaladda iyo sida wax ka beddel xooggan loogu sameeyay qeybahaasi.
“Waa inaan degmo walba ka hirgelinaa ciidamo xoog badan oo ilaaliyo heybada Dowladnimada” ayuu yiri mudane Dabageed.
Ugu dambeyn Madaxweyne ku-xigeenka Dowlad Goboleedka Hirshabeelle ayaa shacabka ku nool deeganada ugu baaqay inay la shaqeeyaan Maamulada heer gobol iyo heer degmo si loo gaaro Dowladnimo loo dhan yahay.
