Shirka waxaa maanta looga hadlay doorka haweenka ee dhismaha golayaasha deegaanka iyo caqabadaha ku hor gudban in xubnaha ay mudan yihiin haweenku ka helaan golayaasha deegaanka.
Waxaana goob joog ahaa wasiirada Arrimaha gudaha ,dib u heshiisiinta iyo haweenka dowlad goboleedyada iyo xubna matalaya wasaaradaha federaalka iyo hey’adaha qaxootiga iyo barakaycayaasha heer qaran iyo heer dowlad goboleed.
Waxaa shirka isku duba ridaya howl wadeenada wasaaradda Arrimaha Gudaha, Federaalka iyo dib u heshiisiinta Xukuumada Federaalka Soomaaliya oo soo qaban qaabisay shirkaan.
Ka qeyb galayaasha Madasha Wadajir oo loo qeybiyay koox koox ayaa ka dooday qoondada haweenka ee golayaasha la dhisayo.
