Magaalada Kismaayo, ee xarunta dowlad goboleedka Jubbaland ayaa lagu wadaa in uu ka furmao shirka madashada wadatashiga Qaran oo lagu go’aamin doono nooca doorasho ee dalka lagu qaban doono marka uu dhamaado xilliga hey’adaha dowladda ee Soomaaliya.
Ra’iisul wasaare Cumar Cabdirashiid Cali Sharma’arke Madaxda dowlad goboleedyada Galmudug, Puntland iyo wakiilo kale oo ka socda beesha caalamka ayaa ku sugan magaalada Kismaayo ee xarunta gobolka Jubbada Hoose, waxaana garoonka diyaaradaha ee Kismaayo ku soo dhaweeyay Madaxweynaha Jubbaland, iyagoo tilmaamay inay aad ugu faraxsanyihiin socdaalka shaqo ee ay ku tegeen Kismaayo.
Madaxweynaha Jamhuuriyadda Federaalka ee Soomaaliya Mudane Xasan Sheekh Maxamuud iyo wafdi uu hogaaminayo ayaa lagu wadaa in uu furo shirweynaha madashada wadatashiga Qaran, ee looga hadlayo hanaanka doorasho ee lagu wado inay dalka ka dhacdo.
