Waxa maanta la soo gabagabeeyey shir muddo 2 maalin ah uga socday magaalada Muqdisho, Wasiirada Maaliyadda Xukuumadda Federaalka Soomaaliya iyo Maamul Goboleedyada Xubnaha ka ah Dowladda Federaalka Soomaaliya iyo Maamulka Gobolka Banaadir.
Shirkaan ayaa intii uu socday waxa lagu gorfeeyay arrimaha hannaanka Maaliyadda dalka, dakhliga gudaha, arrimaha Deyn Cafinta iyo qeybsiga Deeqaha Maaliyadeed eeย Soomaaliya uu adduunku siiyo.
Related posts
Wasiirka Maaliyadda Soomaaliya Dr. Cilmi oo xiritaanka shirka ka hadlay ayaa sheegay in shirkaan Wasiirada Maaliyadda Dowladda Federaal, Dowlad Goboleedyada iyo Maamulka Gobolka Banaadir diiradda lagu saaray arrimaha Federaaleynta, Maamul wanaagga iyo wada shaqeynta ka dhexeysa Wasaaradaha Hey’addaha Maaliyadda heer Federaal iyo heer Dowlad Goboleed.
Shirkaan ayaa inta uu socday sidoo kale looga hadlay arrimaha dib – u – habeynta Maaliyadda,ย horumarinta dhaqaalaha, Mideynta Siyaasadda Canshuuraha dalka, mashaariicda horumarineed ee Bangjga Adduunka iyo Hey’addaha kale ee taageera Soomaaliya ay ka waddaan gudaha dalka.
Shirka ayaa waxa laga soo saaray War-murtiyeed ay si wadda jir ah u saxiixeen Wasiiradda Maaliyadda Dowladda Federaalka,ย Dowlad Goboleedyada iyo Maamulka Gobolka Banaadir.
