Shirkan oo laba maalmood ugu socday Caasimadda Dalka Mozambique ee Maputo ayaa waxa Wadamada Afrika u qabtay Dowladda Japan waxana lagu casuumay Wasiiradaha Arimaha Dibadda,Danjirayaasha Safaaradaha Wadamada Afrikada Koonfuureed iyo Aqoonyahinanno.
Wafdi uu hogaaminayo Wasiirka Arimaha Dibadda ee Soomaaliya, Yusuf Garaad Omar iyo Danjiraha Dowladda Soomaaliya u matala Wadamada Afrika Koonfureed,Danjire Jamal Barrow ayaa Soomaaliya ugu qeybgalay.
Intii uu socday Shirkan ayaa waxaa qudbado ka jeediyay madaxweynaha dalka Mozambique iyo Wasiirka Arimaha Dibadda ee Dalka Japan oo labaduba sheegeen in Afrika uu dhaqaalaheeda soo kobcayo loona baahanahay in la hormariyo.
Gabagabada Shirka ayaa waxaa laga soo saaray qodobo muhiim oo ay ka mid yihiin,baahida Ganacsi xur ah oo dhex mara Africa iyo Japan,horumarinta kaabayasha dhaqaale ee Africa,Kobcinta maalgashida toos ee ah ee Africa,ballaarinta dhisidda ganaciyada yar yar iyo kuwa dhex dhexaadka ah,iyo horumarinta adeegyada aas aasiga oo ay ka mid yihiiin Waxbarashada, caafimaadka iyo biyaha nadiifka.
Shirkan Japan iyo Africa ayaa sanad walba la qabtaa waxaana sanadkii lasoo dhaafay lagu qabtay magaalada Nairobi,waxayna Dowladda Japan ka mid tahay Dowladaha sanadihii dambe Africa kala shaqeynayay horumarinta iyo kaabayasha dhaqaale ee Qaaradda.
WD: C/qaadir Axad Dhaqane,Pretoria
