Shirkadda nooleenta dhulka banaan ayaa maanta qalab dhismo ku wareejisay saldhigga degmada Kaaraan si dib u dayactir loogu sameeyo.
Qalabka loogu deeqay saldhigga Kaaraan ayaa ka koobnaa Lix boqol oo bulakeeti ah oo loogu talagalay in dib u dayactir loogu sameeyo dhismaha saldhiggaasi.
Xoghayaha shirkadda dhismaha dhulka banaan Cabdullaahi Axmed Maxamed oo ka hadlay munaasabaddii ay ku wareejinayeen Bulakeetiga ayaa sheegay in deeqdani ay qeyb ka tahay qorshe ay ugu talagaleen horumarinta adeegyada Bulshada.
Taliyaha saldhigga booliiska ee degmada Kaaraan Gaashaanle Cabdifitaax Xasan Sabriye ayaa uga mahadceliyay ganacsatadaasi deeqda ay ku wareejiyeen isagoo ugu baaqay bulshada ku nool Kaaraan iney gacan ka geystaan horumarinta adeegyada Bulshada.
Gudoomiyaha degmada Kaaraan Cabdifitaax Nuur Xasan Cali ayaa isna uga mahadceliyay shirkadda dhismaha dhulka banaan kaalmadan ay ugu deeqeen saldhigga degmada Kaaraan, wuxuuna ku boorriyay ganacsatada iyo dadka wax heysta iney maamulka kala shaqeeyaan horumarinta adeegyada guud ee bulshada.
Shirkadda dhismaha dhulka Banaan ayaa si iskaa wax u qabso ah uga shaqeeysa horumarinta adeegyada Bulshada iyo deegaameynta dhulalka banaan, iyadoo waddooyin muhiim ah ka dhistay nawaaxiga Keysaneey iyo xaafadda Xaawo Cabdicasir oo dhaca Bariga degmada Kaaraan.
