Wasaaradda amniga gudaha ee Xukuumadda Soomaaliya ayaa magaalada ku soo gaba gabeeysay siminaar ku saabsan sidii bulshada iyo laamaha amniga ay isaga kaashan lahaayeen sugida nabadgelyadda.
Siminaarka oo socday muddo labo cisho ah, isla markaana ay soo agaasinta Wasaaradda Amniga gudaha ayaa inta uu socday waxaa looga hadlayay sida ay u wada shaqey karnaa laamaha amniga Qaranka iyo qeybaha kala duwan ee Bulshada kaasi oo lagu qabtay degmada Shangaani ee gobolka Banaadir.
Related posts
Jawaahir Baarqab guddoomiyaha Ururka Haweenka ee gobalka Banaadir oo kulanka hadal ka jeedisay ayaa ku bogaadisay ka qeybgalayaashii tababarka in waxii la baray ay ka faaโideystaan isla markaana ay sii gaarsiyaan bulshada inteeda kale, si looga wada shaqeeyo nabad gelyada.
Guddoomiyaha Degmada Shangaani ee gobalka Banaadir Axmed Xasan Yalaxow ayaa ugu baaqay bulshada Soomaaliyeed gaar ahaan shacabka degmada Shangaani inay ka qeyb qaataan sugidda amniga oo ay dib u dhis ku sameeyaan guryaha uu bur burka saameeyay, si loo soo celiyo bilicda degmada.
Agaasimaha wacyi gelinta arrimaha bulshada ee Wasaarada amniga gudaha Cabdullaahi Faarax ayaa sheegay in ololaha wacyi gelinta bulshada ee ku saabsan sidii hayโadaha amniga iyo qeybaha bulshada ay u wada shaqeyn lahaayeen ay ka wadaan degmooyinka iyo goballada Dalka, si guud ahaan shacabka Soomaaliyeed ay uga wada qeyb qaataan sugidda nabadgelyada.
