Kulankaan oo ay isugu maamulka degmada Beledweyne iyo saraakiisha hayโadaha samafalka ee ka howlgalo magaaladaasi ayaa looga hadlay sidii dib u dajin iyo caawin loogu samayn lahaa qoysas ay soo barokiciyeen maleeshiyada Al-Shabaab oo soo gaaray magaalada Beledweyne.
Kulankaan oo mudo saacado socday ayaa waxaa diiradda lagu saaray qoysaska ka yimid deegaanada bariga iyo galbeedka gobolka Hiiraan sidii ay gurmad deg deg ah ku heli karaan, maadaamaa sida muuqata ay kasoo carareen dhibaatadii Shabaab ay qoysaskaasi ku hayeen.
Related posts
Guddoomiyaha degmada Beledweyne Macalin Cismaan Qalaafow oo kulanka kaddib Warbaahinta Qaranka lahadlay ayaa sheegay in kulanka muhiimadiisu ahayd sida lagu caawin karo dadka barakacayaasha ee Beladweyne soo gaaray.
Macalin Cismaan Qalaafow ayaa waxaa uu sidoo kale sheegay in guddi loo saaray tirada iyo qoysaska, halka ay badan kood ka yimaadeen oo hayโadaha kala shaqeeya caawinta gar gaarka.
Hadalka guddoomiyaha degmada Beledweyne ayaa imaanayaa iyadoo magaalada Beledweyne ay maalmahan kusoo qulqulayeen dad reer miyi ahaa oo kasoo cararay maleeshiyaadka Al-Shabaab, iyadoo maanta ay kormeereenย meelaha ay qoysaskaasi soo degeen.
