Sii hayaha Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Sadiiq Xirsi Warfaa ayaa maanta xarunta Wasaaradda ku qaabilay Agaasimayaasha guud ee Wasaaradaha Shaqada iyo Arrimaha Bulshada ee Dowlad-gobolleedyada Jubbaland, Koonfurgalbeed iyo wakiillo ka socday Puntland, Galmudug iyo Hirshabeelle.
Xubnahan ayaa Muqdisho kaga qaybgalay aqoon-iswaydaarsi ay Wasaaradda soo qaban qaabisay oo la xiriiray hirgelinta siyaasadda Ilaalinta Bulshada, iyadoo sidoo kale kulankan uu ka qeybgalay Agaasimaha Guud ee Wasaaradda Shaqada iyo Arrimaha Bulshada Xukuumadda Federaalka Soomaaliya, Mudane Cabdullaahi Maxamed Cali.
Kulanka ayaa ku soo idlaaday jawi is afgarad ah.
