Siminaarkan ku saabsanaa sare u qaadidda aqoonta maamuleed iyo midda hogaamineed ee Madaxda iyo Maamulka shirkahada ganacsi ee dalka, ayna ka qeyb galeen ku dhawaad 50 qof, isla markaana ay soo qaban qaabisay Jaamacadda Soomaalia ayaa maanta lagu qabtay Muqdisho.
Siminaarka oo ahaa mid hal maalin ah ayaa waxa casharada aqoon isweydaarsiga bixinayay Prof Ismaaciil Cali Siyaad iyo Prof Mucayad Gitwala oo u dhashay dalka Thailand, waxna ka dhiga Jaamcadda Soomaaliya, kuwaasi oo soo koobay sida ay ganacstada Soomaaliyeed ku horumarin karaan ganacsiga, iyagoo iskaashanaya, waxaana macalimiinta siminaarka bixinayay ay ka sheekeeyeen sida ugu wanaagsan ee ay ganacsatadu isaga kaashan karaan horumarka.
Related posts
Guddoomiyaha Jaamacadda Soomaaliya C/ramaan Macalin Axmed oo ugu horeyn siminaarka ka hadlay ayaa tilmaamay in uu yahay mid looga goβleeyahay sida ay u wada shaqey karaan ganacsatada, isla markaana Jaamacadda ay ku dadaaleyso soo saarista aqoonyahano ka howlgalla xarumaha ganacsi ee dalka.
βMarka aan wax yar ka taabto ahmiyadda aan ka leenahay arrintan, ama workshop-ka ceynkan waxa ay tahay, horta waxaan ognahay ahmiyadda ay noo leedahay jaamacadda Soomaali ahaan, in aan marna ka maarmin la shaqeynta shirkadaha ganacsiga ee dalka ka jirta, waxaan garowsanahay in howsha aan hayno ee Jaamacada aysan socoteen haddii aysan jirin shirkado badan oo loo shaqeeyoβ ayuu yiri Guddoomiyaha Jaamacadda Soomaaliya.
Qaar ka mid ah dadkii ka faaβidey siiminaarka ayaa ka sheekeeyay sida ay ugu faraxsanyihiin ka qeyb galka siminaarka, waxaana ay yiraahdeen. βMagaceyga waa Cabdullaahi Daaβuud Axmed, maanta waxaan ka qeyb galay siminaar ay soo qaban qaabisay Jaamacadda oo ku saabsanaa horumarinta iyo hogaaminta ganacsiga, siminaarka u jeedkiisu waxa uu ahaa si ganacsiga Soomaalida uu u sii jiri lahaa, runtii aad baan uga faaβidnay, magaceyga waa Badal Sheekh Axmed Kulmiye waxaan ka socdaa shirkadda iyo daabacaadda xayaysiinta ee Singjet, runtii labada prof, casharada ay halkan ka bixiyeen ganacsatadu wayΒ ka heleen baraarujin ugu yaraan ay ka heli karaan, qataraha ka so horeeya ganacsigaooda, Β sidee loo maareeyaa deymaha iyo arrimo kaleβ
Guddoomiye ku-xigeenka Jaamacadda Soomaaliya prof Xuseen Cismaan Axmed oo ugu dambeyntii siminaarka soo gabo gabeeyay ayaa sheegay in siminaarada nucaani oo kale ah ay joogteen doonaan, isla markaana siminaarkan uu wax badan ku soo kordhin doono ganacsatada ka soo qeyb gashay.
βMaamulka Jaamacadda Soomaaliya ee soo agaasimay munaasabadan qiimaha badan ee hadafkeeda ahaa sare u qaadista aqoonta maamuleed iyo midda hogaamineed ee Madaxda iyo Maamulaayasha shirkahada ganacsi ee dalka ku yaalla, dabcan waxaan u mahadcelinayaa sidoo kale ka soo qeyb galayaasha ka socda ganacsatada gaar ahaan qeybaha kala gedisan ee suuqa ka socda, aad iyo aad ayaan uga mahadcelineynaaβ ayuu yiri guddoomiye ku-xigeenka Jaamacadda Soomaaliya.
Siminaarka ayaa gabo gabadii ka qeyb galayaasha la guddoonsiiya shahaadooyin.
