Siminaarkaan oo ay soo qaban qaabiyeen hay’adda Daryeel iyo Ururka Wadaniga ee SOSDA isla markaana ahaa mid lagu baranayay sida loo ilaalin karo caafimaadka bulshada ayaa loo qabtay ilaa 30 qof oo ka mid ah bulshada ku nool degmada Hobyo ee Gobalka Mudug.
Ugu horeyna waxaa furitaanka siminaarka ka hadlay injineer Cumar Maxamuud Rooble (Cumar Suuri) waxaana uu sharaxaad ka bixiyay ujeedka siminaarka isagoo sidoo kalana xusay in uu qeyb ka yahay siminaaro dhowr ah oo hay”adda Daryeel iyo ururka SOSDA ay u qabteen bulshada Degmada Hobyo.
“Waxaan ku faraxsanahay kasoo qeyb galka aad nagala soo qeyb gasheen kulanka ku saabsan wacyi gelinta Caafimaadka sidaa ogtihiina hay’adaha SOSDA iyo daryeel idinkuma cusba, Hobyana kuma cusba waa ogtihiin gobalkoo dhan ineey ka shaqeeyaan hobyana waxaan horay ugu qabanay, siminaaro wacyi gelin ah oo ku saabsan ka hortaga burcad badeednimada iyo kalluumaysiga barnaamijyadaana waa kuwo aan ugu tala galnay inaan uga faa’ideeyno bulshada, siminaarkaan waa mid aan uga gol leenahay in bulshadu ay ku bartaan sidii ay u ilaalin lahaayeen caafimaadkooda” ayuu yiri Cumar Maxamuud Rooble oo ku hadlayay magaca Hay’adda Daryeel oo fadhigeedu yahay Dalka Swedan
Waxaa isna sidoo kale madasha furitaanka siminaarka ka hadlay Maxamed Daahir Aadan oo ka mid ahaa mas’uuliyiintii ka socatay ururka SOSDA, waxaana uu ka sheekeeyay wasaqda cuduarada ka dhalan kara.
“Bulshadu markeey hesho caafimaad, waxay awoodaa ineey wax walba qabsadaan bulaacadaha biyaha haddii aan la nadiifin waxaa ka dhasha cudurada farabadan oo ay ka mid yihiin Malaariyada, cagaarshowga, tiifowga, shubanka iyo kuwa kale” ayuu yiri Maxamed Daahir Aadan
Simaanaarkaan oo ahaa mid hal maalin ah ayaa intii uu socday waxaa kasoo qeyb galayaashii halkaasi uga soo jeediayay Dr C/raxmaan Maxamed Aadan casharo la xariira sida loo ilaalin karo caafimaadka bulshada iyo deegaanka iyo haddii aan la ilaalin dhibaatada caafimaad daro ee ka dhalan karta
Ma ahan markii u horeeysay ee ay Hay’adda Daryeel oo kaashaneeysa Ururka maxaligaa ee SOSDA ay siminaaro iyo tababaro ku aadan caafimaadka waxbarashada qatarta burcad badeednimada iyo sida looga faa’ideeysan karo khayraadka Badda u qabtaan Bulshada ku nool deegaanada Dowlad Gobaleedka Galmudug u qabtaan
Waxaa Diyaariyay Wariye C/risaaq Maxamed Axmed (C/risaaq Galkacyo)
