Safaarada Soomaaliya ee Wadanka Koofur Sudan ayaa ku guuleystay in ay dib xoriyadooda u helaan muwaadiniin Soomaaliyeed oo in muddo ah ku xirnaayeen xabsiyo ku yaalla wadankaas kuwaasi oo loo heystay inay si sharci darro ah ku soo galeeyn wadanka.
Muwaadiniintasi ayaa waxay tiradoodu gaareysay 5 dhalinyarro ah, waxaana Warbaahinta Qaranka arintaasi uga warbixiyay Xog-hayaha Safaarada Soomaaliya ee Koonfurta Sudan Mudane Shaafici Nuur Alas Farah iyo qaar kamid ah Muwaadiniinti dib xoriyadooda u helay.
Mudane Shaafici ayaa waalidiinta Soomaaliyeed ugu baaqay in ay ubad kooda ka waaniyaan tahriibka oo ah mid aad u halis badan, wax uu sidoo kale digniin u diray dadka ka shaqeeya tahriibibta muwaadininta Soomaaliyeed oo uu sheegay in la marin doono xeerarka uga degsan dunida.
