Xildhibaanada Soomaalida ee ku jira Baarlamaanka Dalka Kenya ayaa maanta booqday xaafadda Islii magaalada Nairobi ee xarunta dalka Kenya, kuwaasi oo bulshada ka codsaday in laga wada shaqeeyo amniga xaafada Islii.
Xildhibaanada baarlamaanka Kenya oo bulshada goob fagaaro ah kula hadlay ayaa ka codsaday in ay la shaqeeeyaan ciidanka amniga, si looga hortago cidkasta oo amni darro abuureysa, in laga wada shaqeeyo bilicda iyo nadaafadda xaafadda Islii, waxaana Xildhibaanadan booqashadoda ku wehliyay mas’uuliyiin ka tirsan shirkadda korontada ee KENYA POWER, waxaana ay sheegeen in ay ka shaqaynayaan sidii loo xoojin lahaa quwadda korontada ee timaada xaafada Islii.
Gudoomiyaha aqblabiyada ee Baarlamaanka Kenya Aadan Bare Ducaale ayaa fariin adag u diray Guddoomiyaha Gobolka Nairobi iyo dawladda Hoose oo uu sheegay hadii aan si deg deg ah wax looga qaban nadaafada xaafada Islii, in ganacsatada xaafada Islii oo bixiya cansuurta ugu badan dalkan aanay bixin doonin hadda kadib wax casuur ah.
Abdirahman Somali
