- Wasiirka Wasaaradda Qorsheynta, Maalgashiga iyo Horumarinta Dhaqaalaha ee Xukuumadda Federaalka Soomaaliya Mudane Jamaal Maxmed Xasan oo uu wehliyo Danjiraha Safaaradda Jamhuuriyadda Federaalka Soomaaliya ee Dalka Uganda Mudane Cali Maxamed Maxamuud (Cali Cagabaruur ) ayaa Kulamo Muhiim ah la qaatay Wasiiradda arrimaha Dibadda, Gaadidka iyo Ganacsiga ee Dalka Uganda.
Wasiir Jamaal ayaa ugu horeeyn kulan la qaatay Wasiirka Arrimaha Dibadda ee Dalka Uganda Mudane Saam kuteesa, asigoo kaga mahadceliyay Dawladda Uganda kaalinteeda kaga aadaan hawlgalka Nabad ilaalinta iyo xaslinta Soomaaliya ee loo yaqaano AMISOM. sidoo kale kulankan intuu u socday ayaa looga hadlay xiriika laba-geesoodka ah ee ka dhaxeeya labada wadan ee Soomaaliya iyo Uganda,
Sidoo kale Wasiir Jamaal ayaa kulan la qaatay Wasiirka Hawlaha Guud iyo Gaadidka ee Dawladda Uganda Mudane Edward Katumba Wamala, kulankan ayaa loga hadlay arrimo la xariiro socdaalka, dhaqdhaqaaqa dadka iyo Ganacsiga ee labada wadan si kor loogu qaado ama loo xoojiyo xiriirka ganacsi ee labada dal.
Ugu dambeyn Wasiir Jamaal ayaa la kulmay Wasiirka Gancsiga iyo iskaashiga dhaqaalaha ee dalka Uganda Marwo Amiiliya jaambadee iyagoo kawada hadlay horumarinta ganacsiga iyo iskaashiga dhaqaalaha labada dal ee Soomaaliya iyo Uganda. Kulakan oo qaatay saacdo dheer ayaa sido kale looga hadlay xoojinta iyo kor u qaadista xiriirka Ganacsi ee labada dal. Sidoo kale Intii u socday kulankan ayaa looga hadlay danaha ganacsi ee labada wadan iyo alaabada iyo adeegyada ay labada dal is dhaafsan karaan.
Wasiiradda ayaa isla gartay in muddo bil gudaheed ah Kampala lagu qabto kulan ay isku imaanayaan Ganacsatada Soomaaliya iyo Uganda si ay uga wada xaajoodaan xariirka ganacsi ee labada dal.
- Wasiir Jamaal oo safar shaqo ku jooga dalka Uganda isla markaana ka mid ahaa wafdi la socday Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo, ayaa kulamo muhiim ah la yeeshay madaxda dalka Uganda.
