Shirka 12 aad ee Iskaashatooyinka iyo horumarinta Ganacsiga xorta ah ayaa ka socda magaalada Abuja ee Caasimada Nigeria, waxaana Soomaaliya ku matalay shirkan Wasiiru Dowlaha Wasaaradda Ganacsiga iyo Warshadaha ee Xukuumadda Soomaaliya Daahir Cabdi Cabdullaahi (Dr GO)
Shirkan ayaa waxaa ka qeybgalaya Wasiirada ay hoos yimaadaan iskaashatooyinka Africa kuwaas oo kasocda 27-wadan oo ku bahoobay Iskaashatooyinka Afrika iyo 18 dal oo korjoogta ka ah , Waxaan inta badan Wadamada Shirkaasi ka qeyb galayo ay yihiin kuwa ku jira Suuqa Xorta ah ee Bariga iyo Bartamaha Afrika (COMESA).
Wasiiru Dowlaha Ganacsiga iyo Wershadaha Dowladda Federaalka ah ayaa xusay in Soomaaliya ay shirkaasi la tagtay qorsheheeda ku aada is hormarinta iskaashatooyinka iyo ka qeyb qaadashada Ganacsiga xorta ah isagoo sidookale Wasiirku la kulmay qaar kamid ah Wasiirada dhigiisa ah ee shirka ka qeyb galayay kuwaas oo ay isku afgarteen hirgalinta iskaashi dhanka Ganacsiga ah oohow ay la yeeshaan Soomaaliya.
Bishii July ee sanadkan ayaa Ra’iisul Wasaaraha Soomaaliya Mudane Xasan Cali Khayre waxa uu magaalada Lusaska ee dalka Zambia ku saxiixay in Soomaaliya ay ku biirto suuqa xorta ee bariga iyo Bartamaha Africa ee COMESA waxaana la rumeysan yahay in Soomaaliya ay faa’iido wey is ugu jirto ku biiritaankaasi maadaama ay heli dooonto suuq ay geyso badeecadaha iyo Wax soosaarka Soomaalida.
