Wasiir ku xigeenka Wasaaradda Qorsheynta iyo Iskaashiga caalamiga ah ee Xukuumadda Federaalka ah ee Soomaaliya Mudane Cabdullaahi Sheekh Cali Qaloocow ayaa shir guddoomiyay shirka “BandhigaΒ Horumarinta Caalamiga ah ee Dalalka Iskaashiga oo looyaqaan ( South SouthΒ Cooperation), kaasoo lagu qabtay magaalada Dubai- ee dalka Isutaga Imaaraadka Carabta.
Shirka oo furmay 31 October ayaa lagu wadaa in maanta la soo gabo gabeeyo, iyadoo shirkan ay ka qeyb galeen dalalka ku bahoobay G77 oo la isku yiraahdo dalalka iskaashiga oo ay Soomaaliya xubin ka tahay, iyadoo ay soo qaban qaabisay Mu’sasada Zaayid & UNSSC
Kulanka ayaa diiradda lagu saaray sidii loo horumarin lahaa dalalka xubnaha ka ah iskaashiga, isweydaarsiga dhanka qibradda iyo tayaynta shaqaalaha, si loo helo shaqaale tababaran oo gacan ka geysta horumarina dalalkooda.
Wasiir ku-xigeenka Wasaaradda Qorsheynta iyo Iskaashiga caalamiga ah ee Xukuumadda Federaalka ah ee Soomaaliya Mudane Cabdullaahi Sheekh Cali Qaloocow oo shir guddoominayay kulanka ayaa madasha ku soo bandhigay qorshaha Qaranka ee sadaxda sano 2017-2019 iyo horumarka ay Soomaaliya ku talaabsatay, taasi oo ay u riyaaqeen dalalkii ka qeyb galay shirka.
Xubnihii ka qeyb galay shirka ayaa soo dhaweeyay qorshaha Qaranka ee shirka lagu soo bandhigay.
Waa markii ugu horeeyay muddo sodon sano ah kadib ay Soomaliya shir noocaan oo kala ah shir guddoomiso, taasi oo xoojineyso doorka Soomaaliya ay ka gaartay xoojinta xiriirka caalamka ah.
1978 ayaa Qaramada Midoobay aas aastay dalalka la isku yiraahdo iskaashiga oo ay ku mideysanyihiin 53 wadan oo Qaaradda Afrika ah iyo 12 dal oo Koonfurta Mareykanka
