War kooban oo ka soo baxay xafiiska Warfaafinta ee Wasaaradda Arimaha Dibadda Soomaaliya ayaa lagu sheegay in Jamhuuriyadda Federaalka Soomaaliya ay si rasmi u la wareegtay shir guddoonka Golaha Wasiirada Jaamacadda Carabta, kaddib shir ka dhacay magaalada Qaahira Arbacdii shalay.
Warka ayaa intaas ku daraya in mudada ay Soomaaliya heyso shir guddoonka golaha wasiirada Jaamacadda Carabta la qorsheynayo in shirmadaxeedka golaha Wasiirada Jaamacadda Carabta lagu qabto magaalada Muqdisho.
“Soomaaliya waxa ay si rasmi ah ula wareegeysaa shirguddoonka Golaha Wasiirada Jaamacadda Carabta, kulankiisa 151,aad, Wasaaradda Arrimaha Dibadda waxa ay soo celinaysaa maqaamka Soomaaliya ay ku lahayd dunida si shirarka iyo shir madaxeedyada loogu qabto Caasimadda Muqdisho” ayaa lagu yiri warbixin kooban oo lagu qoray bogga Twitter ee xafiiska warfaafinta wasaaradda arrimaha dibadda Soomaaliya.
Muqdisho ayaa burburkii dowladdii dhexe ee Soomaaliya ka dib waxa ay markii ugu horeysay marti gelisay shir madaxeedka IGAD oo September 2016 lagu qabtay magaalada Muqdisho ee caasimadda Jamhuuriyadda Federaalka Soomaaliya.
Dowladda Soomaaliya waxa ay ku howlan tahay xalinta khilaafka u dhexeeya Eritrea iyo Jabuuti sidoo kale wasraadda Arrimaha Dibadda Soomaaliya ayaa wadda dadaallo lagu soo celinayo booskii ay Soomaaliya ku laheyd dunida.
Tallaadabadaan ayaa qeyb ka ah horumarrada dowladda Soomaaliya ka sameeysay dhinaca diblumaasiyadda.
