Sanad ka hor 14-kii October waxa ay argagixisada Al-Shabaab xasuuqeen shacab Soomaaliyeed kaddib markii Qarax xoogan uu ka dhacay Isgoyska Zoobe ee magaalada Muqdisho, halkaasi oo ay ku dileen In ka badan lix boqol oo qof halka ay ku dhaawacmeen dad ku dhaw saddex boqol, kuwaasi oo weli qaarkood la ildaran xasuuqii aan geed loogu gamban ee ay u geysteen shacabkeena.
Qaraxa Zoobe oo noqday kii ugu halista badnaa ee ebid ka dhaca Qaaradda Afrika, gaaar ahaan Soomaaliya ayaa galaaftay nolosha Soomaali badan, iyadoo shacabka ay mar qura dareemeen cadowtooyada argagixisada Al-Shabaab ay u qabaan bulshadeena,
Iyadoo laga duulayo dhibaatada ay 14-kii October ay shacabkeena u geysteen cadowga Ummadda Soomaaliyeed ee Al-Shabaab, isla markaana lagu soo xasuusanayo dadkii ku shahiiday weerarkaasi bahalnimada ahaa, waxaa taalo laga suray Isgoyska Zoobe.
Sawir qaade:- Cabdifataax Jante
