Saciid Cabdullaahi Deni Madaxweynaha cusub ee Puntland waxaa uu sannadkii 1966-dii ku dhashay magaalada Muqdisho ee Caasimadda Soomaaliya.
Waxbarashadiisa Hoose, Dhexe iyo Sare wuxuu ku qaatay magaalada Muqdisho wuxuuna ku qaatay Iskuulka Sheekh Xasan Barsane.
Sannad-kii 1986-1990-kii wuxuu ka baxay kulayadda Luuqada ee Jaamacadda Ummadda Soomaaliyeed.
Sidoo kale Shahaadada Labaad ee Jaamacadda (Master) waxa uu ka diyaariyey Jaamacadda Putra ee Dalka Malaysia, wuxuuna bartay maamulka.
Sanadkii 1992-dii waxa uu noqday Madaxii Howlaha Maraakiibta ee Dekedda Boosaaso, wuxuu kaloo ka soo shaqeeyay horumarinta waxbarashada.
Saciid Deni Waxa uu xilalka kala duwan ka soo qabtay hey’ado Ganacsi oo waa weyn, sidoo kale waxa uu ka soo qeyb-qaatay howlaha dib u heshiisiinta deegaannada Puntland.
Sanandkii 2012-kii waxa uu noqday xubin ka tirsan golaha Barlamaanka Federaalka Soomaaliya, sannadkii 2014-kii waxa uu noqday wasiirkii Qorsheynta iyo Iskaashiga Caalamiga ah ee dowladda Federaalka Soomaaliya, 2017-kii waxa uu ka mid ahaa musharaxiintii xilka madaxweynenimada Soomaaliya u tartantay.
8-da bisha Jannaayo 2019-ka waxa uu ku guuleystay doorashada madaxtinimada Puntland ee ka dhacday Garoowe.
