La- Taliyaha Sare ee Hey’adda Socdaalka iyo Jinsiyadda Soomaaliya Mudane, Mahad Cabdi iyo Khubaro ka socotay Xarunta Aqoonsiga Norway (Norwegian ID Center) ayaa maanta magaalada Adis ababa ugu soo xiray tababar u socday mudo todobaad ah saraakiil ka tirsan Hey’adda Socdaalka iyo Jinsiyadda Soomaaliya iyo Hey’adda Aqoonsiga iyo Diiwaangelinta Soomaaliyeed (Federal Identification Registration Agency). (FIRA)
La-taliyaha sare ee Hay’adda Socdaalka iyo Jinsiyadda Mudane, Mahad Cabdi, ayaa uga horeyn uga mahadceliyay Xarunta Aqoonsiga Norway (Norwegian ID Center) oo iyadu soo qaban qaabisay tababarkan ay Saraakiisha Hey’addu ku baranayeen casharo ku saabsan Aqoonsiga iyo Diiwaangelinta Bulshada (ID and Civil Registration).
Xatunta Aqoonsiga ee Norway iyo La-taliyaha sare ayaa ugu dambeyn si wadajir ah waxay shahaadooyin ugu gudoonsiiyeen Saraakiisha tababarkan loo soo xirayay, iyagoo kula dardaarmay in aqoonta ay ka kororsadeen mudadii todobaadka aheyd ee ay ku guda jireen tababarka ay ku dabaqaan shaqooyinka ay ka hayaan Xarumaha Hey’adaha ay ka kala yimaadeen, islamarkaana waxa ay sidoo kale uga baaqeen iney uga faa’ideeyaan Saraakiisha kale ee aan Tababarkan nasiibka u yeelan ee ay uga soo tageen Xarumahooda shaqo.
