SIimInaar loogu kuurgalayey qaabka korjoogayaasha uga qayb qaadanayaan hufnaanta Doorashooyinka Dalka ayaa maanta ka furmay magaalada Muqdisho; iyada oo ay ka qaybgaleen madaxa Hawlgelinta Guddiga Hirgelinta Doorashooyinka Heer Federaal (FEIT) mudane Cali Maxamuud iyo ku-xigeenka (DSRCC) Hawlgalka AMISOM ee Soomaaliya Mudane Simon Mulongo .
Kulanka oo ay qayb ka wadayihiin qaar ka mid ah Guddiga Hirgelinta Doorashooyinka Heer Federaal iyo Korjoogayaal Caalami ah ayaa diiradda lagu saarey habka ugu hufan ee doorashooyinka Gollaha Shacabka ee Dalka uga dhici karaan, iyadoo aqoon isweydaarsigaan la iskula falanqeeyey u kuurgalidda sidii looga fogaan lahaa dhibaatooyinka inta badan lagala kulmo xilliga Doorashooyinka.
Related posts
Kulamada noocan ah ee uu Guddiga Doorashooyinka uga baarandagayo doorashooyinka Gollaha Shacabka ayaa wax badan ka taraya xaqiijinta doorasho daah furan oo lagu kalsoonaan karo, iyada oo had iyo jeer Guddiga diyaar u yahay kasbashada khibradda iyo turxaanbixinta uga timaada khubarada caalamka iyo kuwa gudaha Dalka intuba.
