Wasaaradda arrimaha guddaha, Federaalka iyo dib-u-heshiisiinta Galmudug ayaa tababar ku saabsan Maamulka iyo maareynta Xafiisyada dowlaha hoose uga furtay Magaalada Dhuusamareeb qaar ka mid ah shaqalaaha dowladaha hoose.
Agaasinka Tababarkan oo qeyb ka ah mashruuca hormarineed JPLG ayaa socon doona muddo shan maalmood ah, iyadoo ka faa’iideystayaasha ka socda Xafiisyada dowlaha hoose la bari doono hababka maamulka iyo maareynta Xafiisyada.
Wasiir Dowlaha Wasaaradda Arimaha Guddaha Galmudug ahna ku-simaha Wasiirka Mudane Axmed Xassan Cali –Axmed Dheere ayaa ku booriyay shaqaalaha dowladaha hoose ee tababarkan ka qeyb galaya in ay sameeyaan dadaal dheeri ah, si isbadal muuqda looga sameeyo howlaha ka socda dowlaha hoose ee ay ka howlgalaan.
