Wasaradda haweenka iyo xuquuqul aadanaha dowlad Goboleedka Galmudug ayaa magaalada Dhuusamareeb maanta Tababar ku saabsan sidii haweenku qeyb uga qaadan lahaayeen nabadda iyo xasiloonida bulshada Galmudug ugu qabatey qaar kamid ah Odoyaasha dhaqanka, haweenka iyo culuma’udiinka Dhuusamareeb.
Tababarkan oo ay bixinayeen aqoonyahano wasaaradda katirsan ayaa si qoto-dheer loogu tilmaamey muhiimada haweenku u leeyihiin Nabadda iyo xasiloonida guud, iyadoo lagu soo bandhigey tusaalooyin la xiriira wax ka qabashadooda arrimahaasi.
Wasiirka haweenka Galmudug Ubax Xuseen Dhiblaawe oo tababarka si rasmi ah u furtay ayaa haweenka ku boorisey in ay faham fiican u yeeshaan doorkooda Nabadda iyo xasiloonida Deegaanka.
