Tababbar Aqoon kordhin ah ayaa loo qabatay qaar ka mid ah mas’uuliyiinta iyo shaqaalaha Garoomada Diyaaradaha ee deegaannada Galmudug kaasi oo ay soo diyaarisay Wasaaradda, Gaadiidka, Cirka, Dhulka ee Galmudug, si dib u habeyn iyo tayeeyn lagu sameeyo garoomada diyaaradaha ee ku yaala guud ahaan deegaanada Galmudug.
Tababbarka ayaa ahaa mid la xariira dhamaan howlaha shaqo ee looga baahan yahay garoomada diyaaradaha.
Wasiirka Wasaaradda Gaadidka, Cirka iyo Dhulka ee Dowlad Goboleedka Galmudug Cabdullaahi Cali Maxamed oo isagu tababarka bixinayay ayaa sheegay in ka qeyb galayaasha looga fadhiyo in waxyaabaha ay tababbarka ku qaateen ay ku dabaqaan howlaha loo idmaday.
Mudane Cabdullaahi Cali ayaa sidoo kale intii uu tababarka bixinayay sheegay haddii ay dhacdo in si taxdar la’aan ah loo shaqeeyo, isla markaana aan xil la iska saarin shaqada qaarkeed ay imaan karto ineey sababtoo qasaare nafeed iyo mid hantiyadeed intuba, loona baahanyahay in shaqo kasta lagu qabto hanaankii loogu talagalay.
Tababbarkaan ayaa ah kii ugu horeeyay oo ay Wasaaraddu u qabato mas’uuliyiinta iyo shaqaalaha qaar ka mid ah garoomada diyaaradaha Galmudug
Waxaa Diyaariyay Wariye C/risaaq Maxamed Axmed (C/risaaq Galkacyo)
