Ku-simaha Agaasimaha guud ee Agaasimka Waxbarashada Gobalka Banaanir ahna Agaasimaha Waaxda Hormarinta Tayada Waxbarashada Mudane Axmed Cabdiqaadir Xoosh ayaa maanta u furey tababar howlwadeenada Agaasimka Waxbarashada Gobalka Banaadir.
Tababarkan ayaa u jeedadiisu ahaa sidii loo xoojin lahaa sare u qaadidda tayada Waxbarashada dugsiyada iyo goobaha Waxbarashada ee ku yaallo Gobalka Banaadir.
Tababarkan waxaa maal geliyay midowga Yurub waxaana fulinaysay Hay’adda Adam Smith International.
Ugu dambeyn ku simaha Agaasimaha guud ayaa kula daardaarmey howlwadeenada Agaasinka ee ka soo qeyb galey tababarkaan in ay ka faa’ideystaan si ay u tayeeyaan adeegyada Waxbarashada ay u hayaan bulshada Gobalka Banaadir.
