Wasaaradda Arrimaha Gudaha, Federaalka iyo Dib-U-Heshiisiinta Dowlad Gobaleedka Galmudug ayaa maanta tababar usoo xirtay shaqaalaha waaxda arrimaha bulshadda ee degmada Cadaado.
Tababarkaaan oo uu ujeedkiisu ahaa tayeynta awooda Aqooneed ee shaqaalaha waaxda arrimaha bulshada ayaa inta uu socday waxaa lagu baranaayey dowlad wanaaga, sareynta sharciga, maamul daadajinta, hanaanka adeeg bixinta, ilaalinta xaquuqda Carruurta iyo ka qeyb galkooda arrimaha dowladaha hoose.
Tababarkaan oo socday muddo 3 cisho ah ayaa waxaa ugu danbeyntii soo xiray Gaddoomiyaha Degmada Cadaaado Mudane Cabdiraxmaan Tootoole,isaga oo u mahadceliyey Wasaaradda Arrimaha Gudaha Galmudug, waxa uuna faray shaqaalaha ka faa’iideystay tababarkaan inay dadka uga shaqeeyaan wixii la baray.
