Ciidamada Boliiska magaalada Dhuusamareeb ee caasimadda dowlad goboleedka Galmudug ayaa gacanta ku soo dhigay qaad si sharci daro ah lagu soo geliyay magaalada, waxaana lagu gubay bartamaha saldhigga Boliiska Dhuusamareeb.
Taliyaha Boliiska magaalada Dhuusamareeb Dhamme Burhaan Axmed Rooble oo ka hadlay goobta lagu gubay qaadka ayaa ganacsatada uga digay in ay magaalada qaad soo geliyaan maadaama qaadka laga mamnuucay dalka, si looga hortago faafitaanka cudurka Karoona fayras oo dhibaato ku haya adduunka dalkane laga helay kiisas Covid19 ah.
Taliyaha ayaa sheegay in ciddii lagu soo qabto iyadoo qaad soo gelineyso magaalada sharciga la horgey doono.
Hay’adaha Ammaanka ayaa horay u soo saaray amarro lagu joojinayo keenista qaadka si looga hortago faafitaanka Xanuunka Covid-19.
