Taliyaha Ciidanka Asluubta Soomaaliyeed Sareeye Gaas Xuseen Xasan Cusmaan ayaa maanta booqasho ku tegey xarunta agoonta Lafoole ee duleedka magaalada Muqdisho.
Taliyaha oo ay socdaalkiisa ku wehliyeen Saraakiil ka tirsan Ciidanka Asluubta Soomaaliyeed ayaa waxay soo kormeereen baaxadda ay ku fadhido xarunta Agoonta Lafoole oo ay saameeyeen dagaalladii sokeeye ee Dalka soo maray.
Kormeerka kaddib ayaa waxaa Warbaahinta Qaranka Soomaaliyeed la hadlay Taliyaha Ciidanka Asluubta Xuseen Xasan Cusmaan, wuxuuna ka sheekeeyay muhiimadda ay xarunta u leedahay Agoonta, isagoo sheegay in dayactir iyo dib u dhis lagu samayn doono.
Xarunta Agoonta Ciidanka Asluubta Soomaaliyeed ayaa wax dayactir ah helin muddo dhowr iyo labaatan sano ah, wuxuuna taliska Ciidanka Asluubta imminka wadaa qorshe lagu dhisayo dhammaan xarumihii uu ay shaqayn jireen ciidanka Asluubta.
