Taliska ciidanka Nabad gelyada wadooyinka ayaa maanta faah faahin ka bixiyay shilalka ka dhaca Muqdisho iyo waxyaabaha sababa, iyadoo talisku uu sheegay in shilalku ay bateen, ayna jiraan gaadid laga mamnuucey isticmaalka waddada maka-al mukarama.
Taliyaha ciidanka Nabadgelyada Wadooyinka Jeneraal Cali Xirsi Barre (Cali gab) oo la hadlay Warbaahinta Qaranka ayaa sheegay in laabdii bil ee la soo dhaafay ay shilal dhowr ah dhaceen,
“Shil guud ayaa dhacay, 126, dhimashada waxa ay ahayd shan qof, dhaawac culus 13 qof, dhaawac fudud 49 qof, qasaaraha guud ee gaadiidka waa 237, gaadiidka booliska sideed shil ayay galeen, gaadiidka xoogga dalka ma jirin shilal ay galeen, kuwa Asluubta sidoo kale shil ma gelin, kuwa Nabad sugidda afar shil ayay galeen, gaadiidka AMISOM labo shil ayay galeen, mootinka caadi ah 12 shil, kuwa bajaajka 46 shil ayay gashay, gaari dameer labo shil, gaari gacan ma jirin wax shil ah” ayuu yiri Taliyaha.
Jeneraal Cali Xirsi Barre (Cali gaab) ayaa ugu dambeyntii hoosta ka xariiqay in talisku uu gaadiidka qaar ka macnuucay isticmaalka waddada Maka Al-Mukarama, waxaana uu sharaxaad ka bixiyay nuucyada gaadiid ee uu talisku ka mamnucay wadadaasi.
“Gaadiidka qaada xamuulka ama kuwa dhagaxa qaada, wadada Maka Al-mukarama waa ka mamnuuc, sida aad ogtihiin digniin ayaa la siiyay, hadii la qabto gaadiid kuwa dhagaxa qaada oo wadada Maka Al-mukarama Isticmaalaya, looma eegayo in uu wato sax naanshiyaha sharciga gaadiidka, sida leesinka, buuga gaariga iyo taargada, ee waxaa lagu ganaaxayaa lacag xoog leh” ayuu yiri Taliye Cali Gaab.
Ciidamada ilaalada Nabad-galyada wadooytinka ee tarafikada ayaa qe yb muuqata ka qata nabadgelyada iyo kala hagida gaadiidka Muqdisho, taasi oo yareyn karta inay bataan shilalka gaadiidka.
