Taliyaha Ciidanka Dhulka Xoogga Dalka Soomaaliyeed s/guuto Cabdixamiid Maxamed Dirir iyo Saraakiil kale oo kusugan Degaano katirsan Gobolka Mudug ayaa waxa ay ku guuleeysteen joojinta dagaal beeleedyo ka taagnaa Degaano hoosyimaado Magaalada Gaalkacyo
Taliyaha iyo Saraakiisha ayaa xalay ilaa maanta waxa ay kulamo kula qaadanayeen degaanka Afbarwaaqo odayaasha dhaqanka oo uu ugu horeeyay Suldaan Cabdinaasir Jaamac Seed, wadahadalo saacado badan qaatay ayaa waxaa lagu guuleeystay in ladhameeyo colaada udhexeeysay beelo walaalo ah oo kudagaalamayay gobolka mudug.
Wadahadalada ayaa waxaa lagu guuleeystay in lakalaqaado maleeshiyaadkii ishor fadhiyay iyadoo ay odayaasha dhaqanka balan qaadeen in colaadii ay halkaasi kudhamaatay.
Taliyaha Ciidanka Dhulka Jeneraal Cabdixamiid iyo saraakiishii lasocday ayaa haatay udhaqaaqay Degaanka Toowfiiq si ay usii dhameeystiraan heshiiskii lagaaray.
