Xaalada deegaannadii ay la wareegeen Ciidammada Xoogga Dalka Soomaaliyeed ee gobolka Shabeelada Hoose ayaa saakay degen iyadoo howlgallada lagu baacsanayo Maleeshiyada Argigixisada Al-Shabaab ay halkoodii kasii socdaan.
Related posts
Taliyaha Ciidammada Dhulka General Odawaa Yuusuf Raage oo saakay wareysi siiyey Radio Muqdisho Codka Jamhuuriyadda Federaalka Soomaaliya ayaa faah-faahin ka bixiyey howlgallada guullaha laga gaaray iyo sida ay u socdaan, isaga tilmaamay in deegaanada haatan ay la wareegeen ciidamada inay yihiin kuwii dhibaatooyinka ugu badan ee dhaca iyo Boobka ah ee Al-Shabaab ugu gaysan jireen Shacabka.
Sidoo kale Taliyaha ayaa tilmaamay inay Howlgaladaan sii socon doonaan, inta maleeshiyaadka Al-Shabaab laga dul qaadayo guud ahaan shacabka Soomaaliyeed dhibaatadda ay ku haayaan.
General Odawaa Yuusuf Raage ayaa dhanka kalena sheegay inay jiraan Qaraxyo Argagixisadu ay ku diyaarinayeen Goobaha qaar ee lala wareegay, kuwaas oo ay burburiyeen ciidammada sida gaarka ah u tababaran ee Danab oo ka tirsan ciidanka Xoogga dalka.
HALKAAN KA DHAGAYSO WARAYSIGA TALIYAHA
