Taliska Hogaanka Nabadgalyada Waddooyinka Booliiska Galmudug ayaa ka Warbixiyey Halka ay marayso qaadashada Sharciyada Gaadiidka iyo sida loogu Guulaystay in Bulshada Sharciyada qaadato sida Taargada , Buugga lahaanshaha Gaadiidka taas oo Mudaba lagu howlanaa Hirgalinteeda.
Taliyaha Nabadgalyada Waddooyinka Booliiska Galmudug Gaashaanle Dhexe Aadan Urur Cabdi ayaa Warbaahinta Qaranka uga warxixiyey sida ay u hirgaliyeen in Dadwaynaha qaataan Taargada iyo Sharciyada Gaadiidka.
Dhinaca kale Taliyaha ayaa sheegay in Dadka Gaadiidka iska wareejinaya ay maraan Sharciga kala wareejinta Gaadiidka aanna la ogoleyn in meel aan Sharci aheyn lagula kala wareego Gaadiidka haddii ay dhacdana ay ka dhalan karto Ciqaab adag.
Nabadgalyada Waddooyinka Galmudug ayaa Bilihii la soo dhaafay ku Howlanaa Hirgalinta Qaadashada Sharciga saxda ah ee looga baahan yahay Gaadiidka ka Howlgala Galmudug.
