Taliska ciidanka Nabadgelyada waddooyinka ayaa ka digay in si sharcig darro ah lagu wato gaaadiidka ka howlgalla caasimadda, iyadoo ciddii lagu qabto oo aan heysan leysinka baabuurta sharciga lala tiigsan doono.
Taliyaha ciidanka nabadgelyada Waddooyinka oo maanta kulan la yeeshay ciidanka taraafikada ayaa amar ku bixiyay in sharciga lala tiigsado wadayaasha gaadiidka ee aan heysan warqadda wadista darawalnimo, iyadoo intiii uu socday kulanka lagu soo bandigay leysino been abuur ah oo shaqsiyaadki watay sharciga lala tiigsaday.
Gaashaanle Sare Cali Maxamed Cali oo kulanka kadib la hadlay Warbaahinta Qaranka ayaa digniin u diray dadka sida sharci darrada ah ku wadaya gaadiidka, isagoo faah faahin ka bixiyay waxyaabihii ka soo baxay kulankoodii maanta.
“Dhismaha idin muuqdo, lagana rabo in laga gaarsiiyo sanadguurada 72aad ee ciidanka, waxaa arkeysan leysimada been abuurka ah, runtii dadka waxa ay u bateen dad baabuur iska wata oo aan leysan lahayn, talaabo cad ayaa laga qaadi donaa dadka sida sharci darrada ah laamiyada u maraya ee aan heysan wadsita gaadiidka”
Taliska ciidanka Nabad gelyada waddooyinka ee Taraafiko ayaa wada qorshayaal looga hortago dadka sida sharci darada ah u wada gaadiidka ee maraya waddooyinka, iyadoo xarunta taliska laga hirgelinayo dhismo cusub oo ay ku shaqeynayaan ciidanka taliska, kaasi oo qeyb ka ah qorshaha dhiso dalkaaga oo uu Madaxweynuhu ku baaqay kal hore.
