Kulan ay maanta ku yeesheen saraakiisha Ciidanka Xoogga Dalka ee qeybta 27-aad Magaalada Badweyne ee Xarunta Gobolka Hiiraan ayaa waxaa ay hambalyo ugu direen dhamaan Ciidamada Xooogga dalka ee Guud ahaan meel wabo ay ka joogaan dalka sanad-guurada 60- aad ee kasoo wareegatay aas aaska , taasi oo ku beegay maanta oo kale.
Saraakiisha ayaa sheegay in maanta ay qiimo badan ugu fadhiso Ciidama Xoogga dalka islamarkaan ay diyaar u yihiin inay soo celiyaan heybadii ay la haayeen Ciidamada.
Gen Saalax yacquub Taliye ku xigenka Qeybta 27aad ee Ciidanka Dalka oo la hadlayay saraakiisha ayaa uga sheekeeyay tariiqda Ciidanka Xoogga dalka uu leeyahay iyo sidoo kale heerkii uu gaaray.
“Ciidanka Xoogga Dalka waxa uu ahaa Ciidanka ugu tayada fiicaan marka loo eego Qaaradda Africa waxaana haatan Dowladdeyna ay xooga saareysaa sidii loo soo celin lahaa heybadii iyo sharaftii ay la haayeen Ciidamada Xooga Dalka iyagoo dib uhabeyn ku sameeyay qeyb walbo oo ka mid ah Ciidamada Xoogga Dalka”sidaas waxaa yiri Gen Saalax yacquub Taliye ku xigenka Qeybta 27aad ee Ciidanka Dalka .
Sido kale taliye ku xigeenka waxa uu sheegay in munaasabdihii waa weynaa loo hakiyay ga’aankii ay dowladda kasoo saartay in la joojiyo isu imaatinnada madaama laga hortagayo faafitaanka Cudurka Covid-19 oo kiiskii 21 laga duwaan geliyay dalka iyadoo 1 ruux uu u geeriyooday.
