Taliyaha ciidanka Boliiska Soomaaliyeed sareeye guuto Sulub Axmed Firin ayaa guddoomiyey shirka amniga iyo xasiloonida ee maalmaha Ciidda iyo todobaadka xoriiyadda, iyada oo ay shirka ka soo qeybgaleen taliyaha ciidanka Asluubta Soomaaliyeed, taliye xigeenka ciidanka Booliiska, Sareeyeyaal Booliiska iyo xoogga dalka ah, taliyaha qaybta guud ee Boliiska gobolka Banaadir, guddomiye ku xigeenka amniga mamulka gobolka Banaadir iyo saraakiisha hoggaaminaysa hawlgalka ciiltire ee Booliska, NISA iyo Booliiska sida militariga u tababaran ayaa ku kulmay taliska Ciidanka Booliiska Soomaaliyeed.
Kulanka ayaa ku aadanaa in la xog wareysto saraakiisha hawlgalka ciiltire iyo dardargalinta amniga iyo xasiloonida Caasimadda goorkasta iyo gaar ahaan inta lagu guda jiro maalmaha Ciidda iyo todibaadka xoriyadda si bulshadu ugu xafladeeyaan nabadgalyo iyo ammaan, loona ilaaliyo badqabka dadweynaha.
