Taliyaha Ciidanka Boliiska Soomaaliyeed S/Gaas Cabdi xasan Maxamed ayaa kulan la yeeshey xubno kasocdey Baarlamaanka Midowga Yurub oo booqasho ku yimid magaalada Muqdisho
Taliyaha Ciidanaka Booliska Soomaaliyeed Sareeya Gaas Cabdi Xasan Maxamad Xijaar ayaa
mas’uuliyiinta uu la kulmay warbixin kooban ka siiyay hormarka uu sameeyay taliska ciidamada booliiska Soomaaliyeed, isagoo uga mahadceliyay taageerada ballaaran ee Midowga Yurub uu siiyo ciidamada
Booliska.
Sidoo kale Taliye Xijaar ayaa dhinaciisa isna ka dhageystay warbixin Xubnaha ka socday midowga Yurub ay ka siiyeen taageerada ay siiyaan ciidamada Booliska Soomaaliya, gaar ahaana tababarka midowga Yurub ee booliska Soomaaliya ay siiyaan.
“wuxuu ahaa kulan muhiim ah oo aan ku kala warqaadanay aniga iyo mas’uuliyiin ka socoday Baarlamaanka Midowga Yurub oo ay wehlinayeen Saraakiil iyo Qubarro ka tirsan Ciidamada Midowga Yurub, waxa ay naga caawiyeen tababarada iyo qalabeynta Ciidamada Ilaalada Badda ee Booliska Soomaaliya, Midowga Yurub ayaa sidoo kale Booliiska Soomaaliya ka caawiya dhinaca tababarada” ayuu yiri Taliye Xijaar.
Midoowga Yurub ayaa ka mid ah wadamada taageera Soomaaliya iyagoo sidoo kale ciidamada Qalabka sida ka ka caawiya dhinaca tababarada iyo qalabeyntooda.
