Taliyaha ciidanka booliska Soomaaliyeed Sareeyo Gaas Maxamed Sheekh Xasan Xaamud ayaa kormeer howleed ku tegay dugsiga tababbarka ciidanka booliska ee Jeneraal Kaahiye, halkaasi oo lagu soo kordhiyay fasalo cusub oo wax lagu barayo ciidanka booliska.
Sareeyo Gaas Maxamed Sheekh Xasan Xaamud ayaa markii uu goobta gaaray, waxa uu warbixinno ka dhageystay saraakiisha ciidanka ee dugsiga ku sugan, kuwaasi oo taliyaha u sharxay muhiimadda ay fasaladan cusub ee lagu soo kordhiyay Jeneraal Kaahiye u leedahay ciidanka booliska.
Taliyaha ciidanka booliska Soomaaliyeed ayaa tilmaamay in fasaladan loo qabay baahi weyn, waxaana uu ciidanka kula dar daarmay inay waxbartaan oo ay noqdaan dad ku shaqeysta aqoonta ay leeyihiin, isagoo xusay in ciidanka ay ku jiraan dad aqoon leh oo heysta heerka koowaad iyo labaad ee Jaamacadda.
