Taliyaha ciidanka Booliska Soomaaliyeed Sareeya Gaas Maxamed Sheekh Xasan Xaamud oo maalmahanba safar shaqo ku joogay dalka Suudaan, isla markaana maanta dib ugu soo laabtay dalka ayaa garoonka diyaaradaha Aadan Cadde ee Muqdisho ku soo dhaweeyay saraakiil iyo mas’uuliyiin ka tirsan taliska ciidanka booliska.
Taliayah booliska ayaa intii uu joogay dalka Suudaan wuxuu kulamo ka laduwan la yeeshey saraakiisha taliska ciidanka booliska dalkaasi Suudaan ayagoo ka wada hadlay xoojinta iyo wadashaqeynta labada dal, gaar ahaan tan labada ciidan, waxaana uu taliyaha booqday xaruumo kala duwan oo ay ka howlgalaan ciidamada booliska dalkaasi
Sareeyo Gaas Maxamed Sheekh Xasan Xaamud ayaa sidoo kale booqday safaaradda Soomaaliya ee Suudaan halkaasi oo kulan uu kala yeeshey mas’uuliyiinta safaaradda.
Taliyaha ciidanka booliska waxa uu tilmaamay in kulamadii uu la qaatay madaxda dalka Sudan, gaar ahaan saraakiisha ciidanka ay ku soo dhamaadeen guulo la taaban karo, isla markaana dowladda Sudan ay sii dar dargelin doonto tababar siinta ciidanka qalabka sida ee Soomaaliya.
Talaabadan uu taliyaha safaro kala duwan ku tegayo dalka dibadiisa ayaa qeyb ka ah qorshe taliska Booliska Soomaaliyeed uu ku doonayo horumarinta iyo tayeynta ciidanka Booliska.
