Taliyaha ciidanka Booliska Soomaaliyeed Sareeye Gaas Maxamed Sheekh Xasan Xaamud oo shalay soo gaaray magaalada Cadaado ayaa kormeeray xarumaha ciidamada Booliska degmada, isagoo kormeerkan uu ahaa mid uu ugu kuugur galaya qaabka ay u shaqeeyaan.
Sidoo kale Taliyaha iyo wafdiga la socday ayaa xalay munaasabad soo dhawayn iyo casho sharaf ah loogu sameeyay magaalada Cadaado, taas oo mas’uuliyiinta sare ee Galmudug ay ka qayb galeen.
Sareeye Gaas Maxamed Sheekh Xasan Xaamud Taliyaha ciidanka Booliska Soomaaliyeed ayaa kormeerkiisa ku soo gabangabeeyay xarunta Kafaalo oo loo qalabaynayo inay ku hawlgalaan golaha xukuumadda Galmudug, isagoo sheegay inay taageero qalab iyo tababarba leh ay siinayaan Boliiska Galmudug.
Madaxwayne ku-xigeenka dawlad goboleedka Galmudug Maxamed Xaashi Cabdi ayaa soo dhaweeyay balanqaadyada lagu horumarinayo Booliska Galmudug ee uu u sameeyay taliyaha ciidanka booliska, waxaana uu ku sii sagootiyay garoonka.
Ugu dambayn wafdiga Taliyaha Boolsika oo 8-maalmood hawlo shaqo ku joogay deegaanada dawlad goboleedyada Galmudug iyo Puntland ayaa u ambabaxay magaalada Muqdisho.
Maxamuud Cabdi Diirshe
