Taliyaha Ciidanka Booliska Soomaaliyeed Sareeyo Guuto Bashiir Cabdi Maxamed ayaa kormeer howleed ku tegay Degmooyinka Balanbale, Caabudwaaq iyo Deegaanka Xeraale halkaasi oo ay ku soo dhaweeyeen maamulka iyo qeybaha bulshada deegaannadasi ku sugan.
Taliyaha oo ay socdaalkiisa ku wehliyaan mas’uuliyiin ka tirsan dowladda Federaalka, Madaxweyne ku-xigeenka Galmudug iyo saraakiil ka tirsan ciidanka Booliska ayaa intii uu ku sugnaa degmooyinkaasi kormeeray xarumaha ciidanka booliska ee ku yaala Goobaha uu booqday, waxaana kulamo uu la qaatay saraakiisha ciidanka oo uu ku booriyay inay labo jibaaraan howlaha ay u hayaan bulshada Soomaaliyeed.
Related posts
“Waxaan maanta kormeer ku tegay Degmooyinka Balanbale, Caabudwaaq iyo Deegaanka Xeraale ee Gobolka Galgaduud, waxaana si gooni ah u booqday xarumaha iyo saldhigyada ciidanka booliska Soomaaliyeed ay ku leeyihiin deegaannadaasi, dhamaan ciidanka booliska meel waliba ay ku suganyihiin waxaan ku bogaadinayaa oo aan farayaa inay sii labo laabaan shaqada ay u hayaan shacabka Soomaaliyeed”.ayuu yiri Taliyaha Ciidanka Booliska.
